ထာဝရဘုရားသခင်ကို မှီခိုခြင်း

ထာဝရဘုရားသည် အလိုတော်ရှိ၍၊ ငါတို့သည်လည်း အသက်ရှင်လျှင်၊ ဤသို့ပြုကြကုန်အံ့၊ ထိုသို့ပြုကြကုန်အံ့ ဟု သင်တို့ ဆိုသင့်ရာဖြစ်သည်။ ယခု သင်တို့သည် မိမိထောင်လွှားခြင်း၌ ဝါကြွားကြသေး၏။ ထိုသို့သော ဝါကြွားခြင်းရှိသမျှသည် မကောင်းမသင့်ဖြစ်၏။

(ယာကုပ် ၄း၁၅-၁၆)

ထာဝရဘုရားသခင်ကို မှီခိုသောသူ
၁။ ထောင်လွှားသောသူနှင့် လုံး၀ မတူဘဲ၊ ထာဝရဘုရားသခင်ကို မှီုခိုသော
သူသည် –

က။ ထာဝရဘုရားသခင်၏ အလိုတော်ကို ဦးထိပ်ထားသည်။
ခ။ ထာဝရဘုရားသခင်၏ အလိုတော်ကို အခြေခံ၍ စီမံကိန်းချသည်။
ဂ။ ထာဝရဘုရားသခင်၏ အလိုတော်ကို ရှေးတန်းတင်ပြီး လိုအင်ဆန္ဒပြုသည်။

၂။ ထို့ကြောင့် ထာဝရဘုရားကို မှီခိုသောသူသည် –

က။ မိမိအသက်ကို မိမိကိုယ်တိုင်က မပိုင်၊ အစိုးမရသည်ကို သိသည်။
ခ။ ဘုရားသခင်အလိုရှိမှသာ ဆက်လက်ရှင်သန်ရမည်ကို သိသည်။
ဂ။ ဘုရားသခင်အလိုတော်ရှိမှသာ စီမံကိန်း၊ အကြံအစည် စသည်တို့ ထမြောက်နိုင်သည်ကိုလည်း သိသည်။

မိမိထောင်လွှားခြင်း၌ ဝါကြွားခြင်း မပြုတတ်

၁။ ထောင်လွှားသောသူသည် မိမိထောင်လွှားခြင်းအမှု၌ ဝါကြွားတတ်သည်။
၂။ ယာကုပ် ၄း၁၃-၁၄ ၌ ထောင်လွှားခြင်းအမှု၌ ဝါကြွားနေသောသူတို့ကို တွေ့ရသည်။
၃။ ထာဝရဘုရားသခင်ကို မှီခိုသောသူသည်

က။ ထောင်လွှားခြင်းအမှု မပြုတတ်။
ခ။ မိမိအကြံအစည်တို့၌ ဝါကြွားခြင်း မပြုတတ်။

၄။ အကြောင်းမူကား ထာဝရဘုရားသခင်ကို မှီခိုသောသူသည် ထောင်လွှားခြင်းအမှု၌ ဝါကြွားခြင်းသည် မကောင်းမသင့် ဖြစ်သည်ကို သိသည်။
၅။ ဤသူသည် ထာဝရဘုရားသခင်ကို မှီခိုသောသူ ဖြစ်သည်။